LA PANDEMÎ
Zirudèla in gîr a i é un bistién
che an s vàdd, cinén, cinén,
nèd cómm inción al sà
che strumnandes in zà e in là
da la Céina l’é parté
e l’é arivè fén qué.
Prémma l’éra un’influänza
invèzi l’é una pestilänza,
che par dèri un nómm nôv
i l’han ciamè COVID-19
cal s atàca da partótt
a i puvrétt, a i sgnåuri, a i bî e a i brótt….
Pr an ciapèr al bistién
da i vîc a i pió cinén,
i han da stèr tótt quànt in cà
ma a fèr vgnìr sîra cómm as fà?
I maré in cà col mujèr
prèst i tàchen a quistiunèr,
ló brontlån e con dal nói
lî catîva cm’é al lói,
la stròlga säinper quèl da fèr :
“ l’armèri in vàtta da spulvrèr,
e in cantéina it andè?
A i é un caṡéin eṡagerè,
a i é al rubinàtt ch’al ṡguzlàia
la taparèla ch’la s’incàia,
la cuṡéina da inbianchèr
la librarî da sistemèr…”
I maré acsé in vadden l’åura
ed sluntanères da l’arżdåura,
e i zäircan môd e manîra
ed canbièr l’aria ch’as respîra,
ma pr andèr fôra, pôch o spàss
biṡäggna aväir säinper al parmàss
e se at féirma al puliṡmàn
al parmàss al vôl in màn:
a i é chi và tótt i dé a fèr la späiṡa
anche se a i é dagl’åur d’atäiṡa,
a i é chi và da l’avṡéin
a tôr inprèst al cagnulén
e con la scûṡa dal pisèr
al va anca ló un pôch a girèr,
a i é chi cånpra la medgéina
ma ogni vôlta såul una scatléina,
a i é chi và dal tabachèr
e al zigaràtt al và a cunprèr
anch se al n’ha mai fumè
e a i fa schîv una tirè….
Se a i pinsén cal bistién
l’ha fàt prôpri un bèl caṡén,
i nôn säinza i anvudén
i éin la ciòza säinza i sû pipién
che la s-ciòzla pr al prè
par catèr la sô cuvè,
i infarmîr po’ con i dutûr
sperän ch’i téinen dûr,
parché i lavåuren dé e nòt
e un quelcdón và al gabariòt.
L’é un bistién particolèr
che col cûr an s pôl mazèr,
chi é pió vêc, pió padéss
e pió d’ ón purtrôp partéss,
a un vén al dóbbi che al bistién
al sia stê studiè a tavlén
par dèr una zèrta susistänza
a l’istitût dla previdänza.
ma quàll che a mé fà pió mèl
l’é ch’an s fà gnanc al funerèl
an i é al salût di parént
né di amîgh, né di cgnusént
e säinza massa, né benziån
cme un can as và in cremaziån….
Sperän che al brótt mumäint
al pàsa in fûria come al väint,
e che al Pèpa là inżnucè
da NòsterSgnåur sia ascultè
che tótt prèst pòsan guarìr
che a i sia un bån avgnìr,
e che la vétta sia pió bèla
tóc e dai la zirudèla.
TRADUZIONE DI : La Pandemia
Zirudella in giro c’è un bestiolino
che non si vede, piccino, piccino,
come è nato nessuno lo sa
ma che espandendosi in qua e in la
partito dalla Cina
è arrivato fin qui.
Prima era un’influenza
invece è una pestilenza
che per darci un nome nuovo
l’hanno chiamato COVID-19
che si attacca a tutti
a i ricchi, a i poveri, a i belli, e ai brutti…
Per non prendere il bestiolino
sia i vecchi che i piccini
devono stare tutti in casa
ma per far sera come si fa?
I mariti in casa con le mogli
presto cominciano a sclerare
lui brontolone e con delle paranoie
lei cattiva come la zizzania
che inventa sempre qualcosa da fare:
“ l’armadio da spolverare in alto
e in cantina sei andato?
C’è un casino esagerato,
c’è il rubinetto che perde,
la tapparella che si inceppa,
la cucina da imbiancare,
la libreria da sistemare…”
Così i mariti non vedono l’ora
di allontanarsi dalla moglie
e cercano ogni scusa
per cambiare l’aria che si respira,
ma per uscire poco o spesso
bisogna avere il permesso
e se ti ferma il vigile urbano
ci vuole il permesso in mano:
c’è chi va tutti i giorni a fare la spesa
anche se ci sono ore di attesa,
c’è chi va dal vicino
a prendere in prestito il cagnolino
e con la scusa del pisciare
anche lui va a girare,
c’è chi va a comprare la medicina
ma ogni volta solo una scatolina,
c’è chi va dal tabaccaio
a comprare le sigarette
anche se non ha mai fumato
e gli fa schifo anche una sola tirata…
Se ci pensiamo quel bestiolino
ha fatto un gran casino,
i nonni senza i nipotini
sono come la chioccia senza i suoi pulcini
che chiama per tutto il cortile
fino a trovare la sua covata,
gli infermieri poi con i dottori
speriamo che tengano botta
perché lavorano giorno e notte
e qualcuno va al creatore.
E’ un bestiolino particolare
che con le cure non si può ammazzare,
chi è più vecchio più soffre
e purtroppo qualcuno se ne va,
mi viene il dubbio che il bestiolino
sia stato studiato a tavolino
per dare una certa sussistenza
all’istituto della previdenza,
ma quello che a me fa più male
è che non ci sia il funerale,
non c’è il saluto dei parenti
né degli amici, nè dei conosenti
e senza messa né benedizione
come un cane si va in cremazione…
Speriamo che il brutto momento
passi in fretta come fa il vento
e che il Papa là inginocchiato
da Nostro Signore sia ascoltato,
che tutti presto possano guarire
che ci sia un buon avvenire,
che la vita sia più bella
tic e tac la zirudella.
Vittorio Mazzoni 30/03/2020